Suryayaan : ચંદ્રયાન 3 ની સફળતા બાદ ISRO નું Aditya L1 મિશન, 2જી સપ્ટેમ્બરે સૂર્યયાન લોંચ કરશે

Suryayaan : ચંદ્રયાન-3ની સફળતા બાદ ISRO 2જી સપ્ટેમ્બરે સૂર્યયાન (Aditya L1) લોંચ કરશે, આશરે 15 લાખ કિમી અંતરે Lagrange Pointમાં સ્થાપિત કરાશે.

Suryayaan

ચંદ્રયાન 3 ની સફળતા બાદ ઈસરો પોતાનું આગામી મિશન માટે તૈયાર છે, જેનું નામ છે Aditya L1 મિશન એટલે કે “સુર્યયાન”, જે 2 સપ્ટેમ્બર 2023 ના રોજ લોન્ચ કરવા જઈ રહ્યું છે. આ મિશનનું લોન્ચિંગ શ્રીહરિકોટાના સતીશ ધવન સ્પેસ સેન્ટરથી કરવામાં આવશે. અમદાવાદમાં ISROના સ્પેસ એપ્લીકેશન સેન્ટરના ડાયરેક્ટર નીલેશ એમ દેસાઈએ કહ્યું છે કે સ્પેસક્રાફ્ટ લોન્ચ માટે સંપૂર્ણ તૈયાર છે.

તેમને જણાવ્યું હતું કે 15 લાખ કિલોમીટરની યાત્રા 127 દિવસમાં પૂરી કરવામાં આવશે, તે હેલો ઓર્બીટ (HALO Orbit)માં ગોઠવવામાં આવશે. આ મિશનને PSLV રોકેટ દ્વારા લોન્ચ કરવામાં આવશે.

ISRO એ સૂર્ય મિશનની જાહેરાત કરી છે, જેને લઈને પણ લોકોમાં ભારે ઉત્સાહ જોવા મળી રહ્યો છે. ઈસરો એ સૂર્યનો અભ્યાસ કરનાર આદિત્ય L1 ની તસ્વીર જાહેર કરી છે. સૂર્યના અભ્યાસ માટે ઇસરોનું આ પ્રથમ મિશન છે.

Aditya L1

આદિત્ય L1 મિશન સતીશ ધવન સ્પેસ સેન્ટર ખાતે પહોચી ચુક્યું છે. અહીં તેને રોકેટમાં લગાવવામાં આવશે. આદિત્ય-L1ને સૂર્યયાન (Suryayaan) તરીકે પણ ઓળખવામાં આવે છે. અત્રે ઉલ્લેખનીય છે કે આદિત્ય-L1 ભારતનું સૌ પ્રથમ સોલર મિશન છે. આ મિશનમાં સૌથી મહત્વના પેલોડ વિઝિબલ લાઈન એમિશન કોરોનાગ્રાફ (VELC) છે. તેને ઈન્ડિયન ઈન્સ્ટિટ્યુટ ઓફ એસ્ટ્રોફિઝીક્સ દ્વારા તૈયાર કરવામાં આવેલ છે. સૂર્યયાનમાં સાત જેટલા પેલોડ્સ છે, જે પૈકી છ પેલોડ્સ ISRO તથા અન્ય સંસ્થા દ્વારા તૈયાર કરવામાં આવ્યા છે.

આદિત્ય-L1 સ્પેસક્રાફ્ટને ધરતી અને સૂર્યની વચ્ચે L1 ઓર્બિટમાં રાખવામાં આવશે. એટલે કે સૂર્ય અને ધરતીની સિસ્ટમ વચ્ચે રહેલ લેંગ્રેન્જ પોઇન્ટ (Lagrange point )માં રખાશે. અત્રે ઉલ્લેખનીય છે કે ભારતનું સૂર્યયાન આશરે 15 લાખ કિમી અંતરે આવેલા આ પોઇન્ટ પર રાખવામાં આવશે,જ્યાંથી તે સૂર્યનો અભ્યાસ કરશે. તે સૂર્યની બિલકુલ નજીક જશે નહીં.

Aditya L1
Suryayaan

આદિત્ય L1 મિશનના મુખ્ય વિષયો :

  • સૌર ઉપલા વાતાવરણીય (ક્રોમોસ્ફિયર અને કોરોના) ગતિશીલતાનો અભ્યાસ.
  • ક્રોમોસ્ફેરિક અને કોરોનલ હીટિંગનો અભ્યાસ, આંશિક રીતે આયોનાઇઝ્ડ પ્લાઝ્માનું ભૌતિકશાસ્ત્ર, કોરોનલ માસ ઇજેક્શનની શરૂઆત અને જ્વાળાઓ
  • સૂર્યમાંથી કણોની ગતિશીલતાના અભ્યાસ માટે ડેટા પ્રદાન કરતા ઇન-સીટુ કણો અને પ્લાઝ્મા વાતાવરણનું અવલોકન.
  • સૌર કોરોના અને તેની હીટિંગ મિકેનિઝમનું ભૌતિકશાસ્ત્ર.
  • કોરોનલ અને કોરોનલ લૂપ્સ પ્લાઝ્માનું ડાયગ્નોસ્ટિક્સ: તાપમાન, વેગ અને ઘનતા.
  • CMEs નો વિકાસ, ગતિશીલતા અને મૂળ.
  • બહુવિધ સ્તરો (રંગમંડળ, આધાર અને વિસ્તૃત કોરોના) પર થતી પ્રક્રિયાઓનો ક્રમ ઓળખો જે આખરે સૌર વિસ્ફોટની ઘટનાઓ તરફ દોરી જાય છે.
  • સૌર કોરોનામાં ચુંબકીય ક્ષેત્ર ટોપોલોજી અને ચુંબકીય ક્ષેત્ર માપન.
  • અવકાશ હવામાન માટે ડ્રાઇવરો (સૌર પવનની ઉત્પત્તિ, રચના અને ગતિશીલતા).

આ પણ ખાસ વાંચો:

Aditya L1 : ISRO નું પ્રથમ સૂર્ય મિશન “સૂર્યયાન” આદિત્ય L1, શ્રીહરિકોટા પહોચ્યું સેટેલાઈટ

તલાટી ભરતી 2023 : ગુજરાત સરકાર 3077 તલાટીની ભરતી કરશે, મુખ્યમંત્રી ભુપેન્દ્ર પટેલનો મહતવપૂર્ણ નિર્ણય

Leave a Comment